Khudi ho ilm sy mohkam tu Ghairat jibrail 丨urdu-ghazal

urdu ghazal

خودی ہو علم سے محکم تو غیرت جبریل

اگر ہو عشق سے محکم تو صور اسرافیل

عذاب دانش حاضر سے با خبر ہوں میں

کہ میں اس آگ میں ڈالا گیا ہوں مثل خلیل

فریب خوردۂ منزل ہے کارواں ورنہ

زیادہ راحت منزل سے ہے نشاط رحیل

نظر نہیں تو مرے حلقۂ سخن میں نہ بیٹھ

کہ نکتہ ہائے خودی ہیں مثال تیغ اصیل

مجھے وہ درس فرنگ آج یاد آتے ہیں

کہاں حضور کی لذت کہاں حجاب دلیل

اندھیری شب ہے جدا اپنے قافلے سے ہے تو

ترے لیے ہے مرا شعلۂ نوا قندیل

غریب و سادہ و رنگیں ہے داستان حرم

نہایت اس کی حسین ابتدا ہے اسماعیل

💟💝💓

Khudi ho ilm se mohkam to ghairat-e-jibril

Agar ho ishq se mohkam to sur-e-israfil

Azab-e-danish-e-hazir se ba-KHabar hun main

Ke main is aag mein Dala gaya hun misl-e-KHalil

Fareb-KHurda-e-manzil hai karwan warna

Zyaada rahat-e-manzil se hai nashat-e-rahil

Nazar nahin to mere halqa-e-suKHan mein na baiTh

Ke nukta-ha-e-Khudi hain misal-e-tegh-e-asil

Mujhe wo dars-e-farng aaj yaad aate hain

Kahan huzur ki lazzat kahan hijab-e-dalil

Andheri shab hai juda apne qafile se hai tu

Tere liye hai mera shola-e-nawa qindil

Gharib o sada o rangin hai dastan-e-haram

Nihayat is ki husain ibtida hai ismail